Beleta apostrofo

par libre fan - 25 avril 2016 - 7:58pm

Forums:

Mi volis anstataŭigi la rektan komunuzan apostrofon ' per la pli beleta apostrofo ’. Kompreneble, la Bépoarangô enhavas tiujn du apostrofojn sed la pli bela estas malpli facile tajpebla ol la komunuza.

Tial, mi faris simplan ŝanĝon en la sama XKB dosiero kiel tie : La klavokombino por la nerompeblaj spacetoj.

Mi ŝanĝis la liniojn 510-an kaj 526-an jene :

key <AC05> { [    comma,    semicolon,  apostrophe,  dead_horn ] };
key <AB06> { [   rightsinglequotemark,     question,   questiondown,    dead_hook ] };

La klavo AB06 estas la sesa (06) sur la kvaran horizontalon (B), dum la vico da ciferoj estas la unua horizontalo (E). Tiel, AC05 estas la kvina klavo sur la tria horizontalo. La ordigon de la kavokombinoj en tiu dosiero mi klarigis en ĉi-supra forumtemo pri la nerompeblaj spacetoj. La beleta apostrofo estas fakte speco da citiloj (nomita tie “rightsinglequotemark” = ferma citila signo).